大戶屋

$25木魚花豆腐沙律
竟然咁大碟，豆腐都有豆味，但唔夠滑

 冷蕎麥麵
水壺裝熱水，原來冷麵汁真係用來飲

熟成牛肉+五花腩海藻飯（+$10）定食（送蒸蛋）

好有肉味

$288.2

愛家Loving Hut 。 書展

每年書展經過佛教攤位，都會有本免費雜誌推廣素食，仲有素食食譜，同時會有部分素食店介紹（廣告），愛家Loving Hut呢個名，年年都見到（起碼8年）呢間台灣開嘅舖頭，但2014年終於去左淘大商場試

店內環境，仲有素食推廣片段

香椿芙蓉包飯 $36
香椿真係有獨有香味，芙蓉包外面其實係腐皮，裡面好似包左D蔬菜（例如胡蘿蔔）

奇妙醬拉麵（黑蕎麥麵）$38
除左無蒜頭味同麵條由油麵變成之外，味道同台灣街邊嘅涼麵一樣味道（部分地區嘅素食涼麵，一樣都係無蒜頭味）

玉桂蘋果派 $25
底層比一般蘋果批硬同實，但無蛋無奶，做到呢個效果都算係咁！蘋果亦比一般蘋果批爽好多

隔離舖頭

$20南瓜子包

 $50 珊瑚草

呢度可以申請會員，方法好簡單，就係寫低電話同個姓，就可以用會員價買嘢！原因就係『呢度嘅老細鼓勵人食素』，台灣幾好嘢！

泡飯

重口味出前一丁

華星冰室

門口見到有一個推介｛重口味出前一丁｝$36
伙計問要咩餸，原來就係上面雙拼出前一丁$32嘅選擇，呢個叫左蛋同火腿
佢俾左煎蛋我，雖然煎蛋脆邊同流心，同湯底都幾夾（原來就係羅宋湯走菜，所以其實應該叫牛肉），不過華星出名嘅就係炒蛋同奶茶，個麵原來唔包飲品，即係我又要再去食多次啦！

PS:原來除左澳牛之外，華星都可以有伙計互相問候

荃灣都有番茄湯主題店

裝修好復古

 

綠椰冰

焗西蘭花
西蘭花有D水

Kim's Spoon

去到南豐中心，原來金滿都執左，變成呢間

裡面除左本地侍應之外，仲有『韓國交流生』，佢地同自己人講嘢當然韓文，佢地都講到D食物嘅廣東話名，但要問嘢就英文（如果你夠勁嘅，可以搵佢地寫嘢，然後講韓文同Friend晒命都得）

裡面裝修幾新派

 有WIFI
不過裝修唔食得嘅

傳統雜錦飯　$60 配熱飲

問過女侍應傳統有咩料，佢話菠菜、紅蘿蔔、紫菜、牛肉……我問佢咁同『牛肉』有咩分別，佢話『牛肉』無紫菜，咁當然要呢個

牛肉好似有D牛蒡

紫菜比平時即食紫菜厚，但咸好多

因為小弟比較怕辣，辣醬落左一半姐，味道帶甜

佢地D飯無用石頭窩問題不大，個問題就係佢地變成用鐵板，飯量好似少左都算，但最大敗筆竟然係隻蛋，你唔用生蛋，起碼都荷包蛋，做咩要整嗎記豬柳蛋漢堡隻蛋出來，熟曬，搞到無蛋汁撈飯

韓國炒粉絲 $38

有另外一款 炒粉絲放係小食果欄，無飲品但$45，我地問侍應有咩分別，原來佢係『韓國交流生』，佢只係識講『抄分C』，到真係問佢，佢就話The Same

結果呢個好少餸，味道無平時咁甜，呢個咸少少，但有一個好處，就係非常爽口，唔會好似一般舖頭咁林

隱藏熟食中心的名店——拿督星馬大飯店

觀塘碼頭熟食市場

 海南雞飯  $45

新加坡黑豉油豬頸肉撈油麵 $38

忌廉奶紅豆冰  $18

好似食緊一塊有皮，又無煎過嘅午餐肉咁……

中學時期就係附近讀書，所以記得有好多間森美餐廳，不過呢間真係未去過，其他舖頭會有一個樽，可以即磨原粒黑椒。

荃灣 森美餐廳（華都中心 開心餐廳隔離果間）
有湯有飲品，飲凍飲唔洗加錢，不過呢D天氣，你唔係飲凍飲啊？
呢兩樣嘢一齊來，所以Post相次序就係我試食嘅次序

呢個各樣好似腸仔，原來味道就係一塊有皮，仲要無煎過嘅午餐肉，個汁好似咕嚕肉嘅感覺（雖然有D琉璃芡嘅感覺，但係就係呢個味道），再加埋白飯，其實呢個係咪大學Canteen嘅頹飯？好啦！大家認為呢個係咩來？

好啦！呢個就係餐牌寫『意式釀豬手』嘅嘢食，初頭以為係豬手拆骨，然後釀嘢入去，原來係絞碎豬手D肉，放返入豬皮，係喔，唔記得同大家講，呢個餐收$55




黑椒牛柳 $48
呢個牛柳偏薄，無咩大問題（即係無咩特別），牛柳比茶餐廳嘅好少少，黑椒汁都唔算太辣！不過反而想講伴碟嘅椰菜（塊扒下面）同意粉，竟然有用香草炒過，本來都已經好食，配牛扒，就更加適合。

不過佢地上菜好快

自家烏冬

美M師傅明白了X心

粗製濫造咖哩雞

學生餐咖哩雞味飯$30+檸檬柚子蜜$6+油菜全走$6.5

原來咖哩雞就係一隻林嘅炸髀斬開幾楷琳咖哩汁，連滾都無滾過，咖哩汁更加係超咸。味飯即係平時海南雞飯點解會係炸髀？當2點後見到下午茶有一樣『五香脆雞腿』，就突然師傅明白了！不過檸檬柚子蜜都算夾！

大家認為呢碗石頭飯收幾錢？

蒜汁雞扒石窩飯

朗豪坊 小台北
原價$48，特價$24
呢個系開業兩年優惠
個樣好型，雞扒脆+珍珠米+茶餐廳感覺嘅蒜蓉汁，味道平平，不過甚少見到唔係韓式嘅石窩飯，都算好！送烏龍茶