平民泰國菜，唔一定去九龍城

新蒲崗廣場雖然舊舊地，但交通超便利，係民生區嘅美食寶地，感覺間間都平靚正。試咗其中一間泰國餐廳，裝修正宗有氣氛，食物夠水準又唔貴，服務有溫度，好適合家庭同朋友聚餐呢，頭先仲見到店員哥哥幫一枱客影相！🍴

睇下有咩食先

飲品

呢度裝修都好有特色

黯然銷魂飯 $72

泰國都有「黯然銷魂飯」？嘅碟飯泰式叉燒真係幾特別，一樣用梅頭肉，但唔係港式麥芽糖甜味，而係胡椒加泰式香料，香甜至於有少少辣，有啲似芭堤雅排骨嘅融合風味。而太陽蛋少少流汁，配合泰國絲苗米，真係豐富又開胃🍚🔥。

燒元貝 （2隻） $48

燒元貝睇落好誘人，雖然燒過，但無燒焦，仍然保持嫩滑多汁，蒜蓉、香蔥同辣椒，令味道更鮮美。因為個飯無豉油，剩餘嘅醬汁真係倒落泰式叉燒飯，同飯一齊食超夾！😋

龍眼冰 $24

呢杯龍眼冰真係唔錯，啲龍眼粒飽滿鮮甜，飲落有煲過嘅濃郁龍眼味，飲得出無點落糖，仲帶少少薑嘅暖香，但原來完全無落薑，真係靠時間慢慢熬煮。唔怪得侍應哥哥話足料，啱晒想清涼又養生嘅你🥤✨。

總計 $144

好運泰國美食 

新蒲崗祟齡街33號新蒲崗廣場2樓C38號舖

電話: 23690738

新都會廣場食乜好？試試高質cafe

新都會廣場5樓露天花園兩邊出口，都有餐廳，幾個月無去，發現泰國餐廳依然人氣穩定，屹立不倒。不過西餐呢邊原來又轉手左啦！依家西餐呢邊變成The Pantry Cafe，夜晚食飯時間都好多人。

入去睇下有咩食先

感覺環境幾舒服

Pomelo & Prawn Salad $128大蝦煎得香脆，配泰國金柚、酸椰菜、小番茄、青瓜同雜菜，淋上特別嘅柚子汁，唔同一般沙律醬，好清新開胃！聽落好適合夏天食，你梗係要試啦！🥗🍤

Barbeque Chicken Pizza $168 

呢塊Barbeque Chicken Pizza，係手工薄餅。餡料有雞柳、燈籠椒同紅洋蔥，仲淋咗燒烤醬，好香口。餅底金黃香脆，配料豐富，睇得出好誘人！另外因為呢度嘅手工薄餅底似Naan，所以呢度有個獨特食法，就係將個邊點大蒜乳酪，即刻加左好多中東風味，好有心思！🍕😋

煎封門柳伴白菌燒汁闊麵Hanger Steak Fettuccine-Medium $228

手工闊麵口感煙韌，白菌燒汁加上忌廉，濃郁又絲滑；牛肉五成熟嫩滑多汁，封門柳脂肪少，仲有香草提味，兩種食材完美融合，賣相好正！🍝🥩

雜莓沙冰 BB Berry Smoothie $60 

裡面有藍莓、黑莓、黑加侖子，酸酸甜甜，呢度好聰明用香蕉同蘋果增加甜味，香蕉都可以令成杯飲品更Creamy

清汁沙冰 Green Kale Smoothie $58 

飲落非常清新，羽衣橄欖呢種Super Food，配上香茅真係特別清新。另外再有蘋果、香蕉同芒果增加甜度，飲落超清新又健康，但又好易入口。試完之後，發現自己更鍾意呢杯。

小計 $642

加一 $64

總金額 $706

The Pantry Cafe 

葵芳興芳路223號新都會廣場5樓531-540號舖

電話: 24286131

超多選擇 日式小食堂

葵芳一般只識去葵涌廣場掃街，原來落橋運動場附近，都有條食街！成個圈以小店為主，好有地道風味，食店種類多又吸引，所以今次特登過去，睇下有咩啱試，好味嘅食物買返屋企。一般人加餸會去買燒味滷味斬料，今次我試下日式，燒嘅，炸嘅都有，仲有盤蟹子沙律添。🍴

等攞走嘅時候，睇下環境先

大崎便當 咖哩飯 $89

裡面有脆香吉列雞扒2件、日本牛肉薯餅1件、日式圓蔥魚餅1件、味付螺肉。炸物都金黃酥脆，雞扒應該用雞胸部位，比較厚身同唔會好油，食落口感較實淨，所以睇落質感同色澤似豬扒，更有日本feel🍗。咖哩飯香甜不辣，醬汁用咗好多洋蔥同紅蘿蔔熬製，味道層次豐富，完全唔辣配炸物特別開胃，仲好適合俾小朋友食添！🍛

鹽燒安格斯封門柳 $53

呢塊鹽燒安格斯封門柳睇落真係好吸引！外層燒得脆香帶少少煙燻味，肉質Juicy，但唔肥膩，感覺好健康又有燒烤風味。🔥

慢煮嫩滑豬軟骨（5件）$ 57

豬軟骨入味濃郁，軟嫩又帶醬油香味。軟骨入口即溶，咬落有滿滿骨膠原，感覺皮膚又好咗啦！唔使額外加醬汁都好夠味。✨

鱈場蟹棒蟹籽栗米沙律 $47

叫咗咁多肉，不如食下菜。青瓜絲加蟹棒絲，鋪滿爆炸感十足嘅蟹籽，仲有粟米點綴，口感層次豐富。代替炸物附送嘅沙律醬，感覺更爽口健康，即刻減少好多罪惡感。🥗

總計 $256

外賣比堂食貴嘅原因，係多左$1膠盒膠袋錢。

稻田食堂

葵芳仁芳街2-14號美豐大廈地下6號舖

電話: 69941917

商場高質cafe

約朋友去荃灣食晚飯，發現荃新天地地下內園嗰間cafe，真係幾靚又舒服，光線柔和座位有私隱感，開揚門口好清新，啱晒同朋友慢慢歎意粉🍝。

睇餐牌，發現佢哋個晚市套餐，有湯有頭盤，仲可以加錢要飲品，性價比超高，唔怪得咁多人鍾意人幫襯！

今次嘅餐湯係椰菜花湯，呢碗湯超creamy，口感滑溜，帶少少椰菜花嘅甘苦味，令湯更清新不膩，好啱開胃。如果有少少椰菜花碎，口感會更好！🍲

吉列莫薩里拉芝士條（半份）

原來係Mozzarella cheese 嘅音譯，外脆內軟，仲有拉絲，真係好正！仲有兩款醬汁可以揀，紅色嗰款帶甜重香料味；白色嘅係薄荷乳酪，非常清新又醒胃，配搭完美。

香草油炸薯條（半份）

普通嘅幼薯條，用香草油炸，味道豐富咗好多。繼續有香脆嘅感覺，但清新嘅香草味，油膩感減少。配埋芝士條嗰兩款紅白醬汁，尤其係白色嘅薄荷乳酪醬，同薯條超夾，清新又開胃！🍟

海鮮意大利飯 $168

呢碟海鮮意大利飯用上湯同番茄慢煮，加入芝士、蘆筍同甜椒，creamy又清新！蝦同鮑魚好大隻，難得地蜆肉唔腥又無沙，好正！🍤🍚

千層麵 $128

呢碟千層麵真係好有水準！最上層嘅芝士特別金黃香脆，中間每層分別有芝士同肉醬，而配搭番茄蓉同香草油係分開，可以自己選擇濃郁程度，真係地道意式味道，唔似一般美式千層麵咁重奶膩，味道層次豐富好正！Cafe味道真係零舍不同啊！🧀🍅

蘋果菠蘿石榴羽衣甘藍汁 +$31

蘋果為果汁帶來甜味，之後有菠蘿同石榴嘅酸甜清新，羽衣甘藍帶出薄荷清香，好易入口，顏色仲好靚！🍹

小計 $327

服務費（10％） $32.7

總額 $360

Lizto 

荃灣楊屋道1號荃新天地地下G75A, G76C & G76D號舖

電話: 28860603

西九龍中心必試台式炸蛋蔥油餅小店🥢

西九龍中心嘅Food Court 好多好嘢食，特別係6樓好多ig新店，睇左ig咁耐，終於幫襯主打台式炸蛋蔥油餅嘅「#一蔥味」，店面以綠白色調嘅招牌好搶眼。金黃酥脆嘅餅皮加上半熟流心蛋黃，同大量新鮮青蔥，少少甜豉油調味，口感好有層次。

有多款口味選擇，仲可以加蛋、芝士、泡菜或豬肉碎等配料，價錢親民又彈性。現場即炸，外脆內軟，蔥香濃郁。逛商場口痕必嚟掃街小食，記得早啲去免排隊。📸

家姐味 (辣味) 加蛋 $33+4=37

台式炸蔥油餅咁多款口味，本身有一隻蛋，不過再加蛋，口感比較豐富，令更加濕潤，香氣更加溢出🍳。脆餅上面加少少辣粉，  帶少少刺激感，配合青蔥碎同甜豉油提升清新滋味，鹹香辣味齊齊爆發，好惹味！

媽咪味 (燒烤味) 加辣菜脯 $33+6=39

同樣係炸蛋蔥油餅，今次呢份嘅蛋炸得比較蓬鬆，又繼續有流心蛋黃。加上燒烤粉嘅各種混合香料，味道濃郁惹味；辣菜脯帶微辣醒胃，不過餃子店唔係嗰種辣爆款。口感豐富，有香脆、鬆脆同爽脆層次，好有驚喜！🔥 

細妹味 (蜜糖燒烤味) 加蛋 $33+4=37

調味粉同燒烤味一樣，都有香料味，不過帶香甜味，好易入口🍯。餅皮香脆，蛋汁香濃，但其實冇必要再加太多蛋，加肉會更match，更有港式風味！👍

細佬味 (沙律醬) 加蛋 $33+4=37

呢款係唯一落醬唔落粉嘅款🍴餅皮依然香脆，蛋汁香濃，但沙律醬味淡淡地，好清新唔膩，超適合小朋友。加蛋會搶走沙律醬香味，建議加芝士，融化後多咗奶香同少少鹹味，味道更match！🧀

凍檸茶 +$9

呢度所有嘅飲品，都係預先沖好，放雪櫃雪住嘅。茶色混濁，原來就係有檸檬汁。茶味足夠，酸甜平衡，又唔算太甜，夠解炸蔥蛋餅嘅膩，真係非常抵飲。

總數：$159

一蔥味 

深水埗欽州街37K號西九龍中心6樓51-53號舖