搭天星小輪遊覽維港兩岸，係其中一個「人生五十個必到景點」。如果想將呢個平價體驗變得豪華，一路飲嘢一路看海介意，咁你逢星期五、六、日，同假期，去到尖沙咀碼頭俾$40入場費，就有機會上船啦！如果你好彩，呢隻船🚢仲真係會出海，而唔係淨係Stay喺碼頭嘅。當然啦！呢啲咁特別嘅活動，緊係事前book位比較好嗎。
憑票上船，如果你有預定，會有枱號
呢度除左主打具香港特色Cocktail，仲有多款酒水、小食供應之外，仲有歌聽，國粵語都有，仲可以點歌，緊有一首啱你聽。
咁好飲，點解係愚蠢？原來人地用士多啤梨糖漿，呢度採用日本士多啤梨梅酒，成本加左幾倍，看似愚蠢。仲要加入新鮮蛋白同蘋果汁，非常易入口，完全無藥水味，彷彿飲一杯奶蓋士多啤梨茶，呢杯真係可以飲好耐，慢慢飲會好舒服。
Stay Home $118
茶記最出名係熱奶茶，不過凍檸茶都係一個好選擇。以茶記檸檬茶做基底，加上VODKA、燒酒、西柚汁同濃縮青檸汁，開頭有少少酒味，之後慢慢有嗰種柑橘類嘅酸甜，層次比單純嘅檸檬茶豐富好多。 飲到一半，加防止暈浪嘅話梅，會更加酸甜開胃。同時發現，甜但會醉係咩感覺。生活忙碌時，不妨在家呆一呆，感受下成個香港。
STAY BAR
地址: 尖沙咀4號天星碼頭
沒有留言:
張貼留言