去開沙田，亦知道宜家有新產品，當然要去
蔬菜薯餅食得太多次，好香白汁味道，反而菜味算淡
小米真係第一次食，小米好林。有人話小米應該無味，但今次算甜，好似有少少黃薑味。
Facebook有朋友話素菜丸有雅支竹、羽衣甘藍等等貴價素菜，但我唔係好食到，因為可能分量少，而且我未食過呢D蔬菜，無可能知道咩味道。粒素菜丸都係好林（西式肉丸已經比較林，呢個素菜丸更犀利，可能因為裡面都有好多都，呢粒丸可能要炸下先得）
燒特級西冷配烤薯仔伴雜菜及牛肝菌忌廉汁$56
一般來講。一大件牛肉一次過燒，一般都會『出事』，係Buffet都領教過唔少次啦！！次次都係過熟！！咁酒店出品都係咁，做咩細佬要冒住中伏嘅風險打大佬呢？因為已經差不多試過曬全部宜家嘅嘢食，都係試下啦！點知有驚喜！裡面有少少血水，同牛肉都算林！薯仔烤得香，皮唔會太乾，外面有少少鹽！就係唔知點解會用忌廉汁來配牛扒！
午餐蜜糖腸芝士通粉配飲品$29
蜜糖腸味道正常，芝士通粉感覺好多芝士，而唔係茶餐廳嘅芝士加白汁煮果種好肥膩嘅感覺
雞肉丸配薯蓉及法式燴雜菜$26
食得西式肉丸，應該都知道唔會好似平時食開嘅潮州肉丸（即係牛丸、魚蛋果D）咁爽口彈牙，有少少林嘅。第一次食雞肉丸，感覺好似清過普通宜家肉丸，比較鍾意呢個，因為呢個配用茄汁煮成嘅法式燴雜菜，雖然感覺用罐頭番茄，但人工味亦唔係太重！
另外加一杯飲品$7
共$141
