十二味
呢度環境幾好，坐得舒服，嘢食精緻，適合少少人一齊放鬆食。
呢度用QR code落單嘅，掃完自己上網落單。一張枱一個Code，唔怕落錯。甜品可以揀後上
涼拌土豆絲 小辣 $ 38.00
佢可以揀唔辣嘅，不過完全唔辣太清。原來除左少少麻辣，佢有醋味。薯仔絲嘅澱粉洗走曬，所以做到應該有嘅爽。
川式ロ水雞 小辣 $ 68.00
朋友喺其他分店試過，覺得幾好。今次再叫，真係唔錯。呢間嘅口水雞係凍嘅，好夠凍。花椒油同辣味夾，抵度好似有少少花生味，每件雞都沾到辣油，入到味。
見到呢碗嘢，已經知道唔會太差。因為上面炸乾嘅蔥，同下面嘅豉油撈好，拉麵算爽，加埋就係完美而簡單嘅味道。
因為呢度嘅餸比較精緻，所以出到來，係一碟正常Size嘅餸。呢啲應該係福建椰菜花，配埋腩肉炒埋，不過不失。
么妹兒冰粉 $ 26.00 後上
即係桂花糖水浸住冰粉，加埋提子乾。係傳統嘅口味，不過一般地方多數得，撈辣油嘅白涼粉。呢種比較少見，感覺滑嘅啫哩。
紅糖糍粑$ 48.00 後上
都係朋友喺其他分店試過，覺得好食，所以再試多次。連佢媽媽都好鍾意。點解呢樣嘢會「連阿媽都讚好」呢？因為呢個糍粑雖然都係糯米造，但無糯米糍咁軟，又唔係年糕咁韌，口感介乎兩者之間，同埋呢個有煎過嘅，所以外層有少少脆口。食法好似日本嘅蕨餅，都係點落紅糖食。不過呢個係花生粉，唔係黃豆粉。花生粉本來少少甜，味道都夠，但點左有少少蔗糖香味，所以一定要點。
（小弟水皮，所以呢度全部都係小辣）
門口環境
單
共計 $ 306.00
十二味 (荃灣分店)
荃灣大河道98號如心廣場商場二期2樓215號舖
十二味 (荃灣分店)
荃灣大河道98號如心廣場商場二期2樓215號舖
