又係去澳門，自然需要葡國餐。不過葡國餐，都係馬介休、葡國臘腸同橄欖，如果避曬呢啲，唔知仲有咩叫得呢？
坐低就有自家牛油配麵包同青橄欖。除左第一碟餐前小食，有橄欖之外 (不過呢間得綠色橄欖)，最後全部完美避開。
之後可以落單啦！
欣賞裝修
葡式炒牛柳粒 $118
香濃但唔太酸嘅茄膏，配以酸瓜同各種香料炒牛柳粒，醬汁好開胃，所以佢俾麵包我地點醬汁好適合。唯一一個缺點，係牛肉太熟。
蕃茄濃湯配手工酥皮卷 $88
Creamy ，雖然少左香料味道，又係香濃但唔酸，感覺特別，有住家感覺。酥皮卷係一個好好嘅點綴。
酥皮蘑菇忌廉湯 $88
上菜時香脆、充滿牛油香味嘅酥皮
拆開裡面係好重奶味嘅蘑菇湯，蘑菇切得比較大粒，每口湯都有咬到蘑菇。都係好食飲嘅，但其他食物都好少見，所以就缺少左驚艷嘅感覺。
