北海道牧場餐廳 團購

山林道入去，見到好多名牌食店

因為早去到6Pm，所以有大量空位

點解夜晚都食午餐呢？因為一來夜晚真係有午餐食嘅，二來買左團購飛$33，就食到

佢地話要唔要+$12飲蘆薈檸蜜，原來全名叫檸檬茶蘆薈蜜，即係熱檸茶+罐頭蘆薈
3.6味噌粟米湯，粟米就唔見啦！但有海帶芽同蔥！第一啖有淡淡嘅奶味，之後就正常麵豉湯味道

日式照燒雞翼配3.6牛乳炒蛋跟飯
炒蛋都算滑，奶味唔多，所以唔會膩
雞翼脆，幾好，但無咩特別

辣味噌牛肉飯
呢個麵豉有少少辣，但同時有酸酸甜甜，幾特別，但唔算好好食。
D牛腩切到咁碎，肥還肥，瘦還瘦，都係敗筆

+$19 抹茶芝士蛋糕（北海道直送）

芝士味香，唔算太甜，同抹茶味道都夾到，不過問題係個蛋糕都唔係自己整嘅

結論：其他嘢可能都唔錯，但呢個午餐如果用原價食嘅，就肯定唔會叫