2019-12-25
見到越捷FB同其他網上資料，發現越式烤肉幾特別
大家去越南嘅時候會發現一個令人大吃一驚嘅奇觀——好多人排排坐喺路邊，或手持啤酒談天說地；或拿著串燒食得津津有味，而特別嘅地方喺佢哋通通都坐係一啲矮腳膠凳上！路邊攤並唔係越南先有，但係坐係膠凳望住馬路飲酒就真係夠曬特別！另外品嘗某啲街頭小吃時，都會係咁樣嘅形式㗎！
好多呢種街邊檔，但都係矮腳膠凳、矮枱，配一塊貼住錫紙嘅鐵板同一個爐，爐主要係用一個蠟啫哩燃燒。逐樣計錢。我哋去呢間，用知寫，但因為我哋唔識越南話，所以有個阿姐叫我哋直接去現場指俾佢睇。個越南鐵板，樣似一般韓燒，開頭要落啲油都正常。
但阿姐係咁幫我哋落油,好似油唔洗錢咁（隔離枱嘅鬼佬，只係幫佢落一次）。咁佢應該只係員工，唔係腦細。因為脂肪可以抑制食慾，叫少咁多，無理由咁倒自己米架。
其他人落完油之後，啲阿姐會即刻落牛油調味，但我哋呢枱，係燒到一半先加，唔知有無影響效果。
呢度嘅鐵板就算幾燶，佢哋都唔會幫你換過塊（未見到有人換過）
不過氣氛係好嘅
沒有留言:
張貼留言