去間chill嘅西餐廳食飯，呢度環境幾好，仲有英文歌聽。你都有叫定嘢飲……飲茶好正常，你做咩叫碗藥俾我飲啊？
好彩，侍應哥哥拎俾我哋果陣，有話係佢哋出名嘅#Cocktail。咁我兩款都試下啦！
Dancing Grape $68
即係用茶壺裝嗰杯，Gin酒做底，主要就係提子味🍇加酸酸甜甜，呢種感覺來自檸檬🍋你都見到檸檬皮喺個杯度啦……
Plum Meng's Soup $68
即係碗藥啊！都係Gin做底。八味做主題，呢碗孟婆湯仲有烏龍、檸檬🍋話梅，甜酸苦都有，辣味比較少。
(又係跟上菜次序出圖)
風乾火腿露荀卷$98
侍應哥哥話呢個係模仿金菇肥牛，火腿一般配蜜瓜🍈突出鹹香，但今次配蘆筍，一樣清新，但有唔同嘅爽脆感覺。配埋最面牛油果嘅滑，底下黑松露脆餅，好似Pizza餅底嘅鬆脆，整體配合得好好，係開胃嘅。
香煎三文魚配芒果莎莎 $128
煎到五成熟，保留到軟滑嘅口感同肉汁，仲可以輕易分開算脆嘅皮。芒果莎莎作用話可以減低油膩清新啲，我就話可以減輕埋腥味。不過呢個上菜唔會聞到腥味，你知啦！平時煎三文魚有好大陣腥味，呢個就唔會有啦！
冬陰功海鮮意粉 $118
冬陰功嘅青檸、香茅，酸辣味道都齊。話明功，都有蝦嘅。但除左蝦都有青口，意粉都唔係太林……
想試冬陰功嘅酸辣，配欖油意粉係咩感覺，就可以試下
火焰香草烤春雞 $148
上菜果陣見到一隻燒得金黃嘅雞，淋啲白蘭地，再用火槍點火。有啲火，個畫面好靚。我哋影到，個侍應哥哥都話可以點多次火，俾我哋由頭再睇過，再影相。咁影完相，講返味道啦！未點汁，佢係個皮有香草味、少少酒香嘅燒雞。個汁犀利啦！通常西式燒雞，如果俾酸酸甜甜嘅醬汁，通常俾紅莓醬，佢唔係。佢俾呢款，好似海南雞飯中間果兜醬汁，青檸、辣椒……咁樣Fusion，又幾夾啊！伴碟嘅菜同薯仔，都有用牛油炒香，都幾用心。你係識揀嘅。
總數：$628
Vici Stage
荃灣沙咀道325-331號德仁樓地下B舖
沒有留言:
張貼留言