鳳姐有早餐

正所謂要留住男人個心，就要留住佢個胃，所以鳳姐識得煲老火湯，係不足為奇，日日返工經過#鳳姐米線，都有啲期待裡面食咩，係咪飲老火湯做湯底嘅米線呢？不過如果佢唔識煲老火湯，就應該會有好正宗嘅#尾線 嘅，都啱數啊😯原來呢度有早餐食添！

去食嘢，第一樣嘢一定係睇餐牌。咁原來都係食#陀地 #茶記早餐 嘅。識食一定唔係食豬扒 (你知道呢間叫咩名，就應該明點解嘅)。

沙嗲鮮牛米線 走湯多汁(炒蛋 漢堡 丹麥多士) $38

試一間茶記嘅早餐得唔得，#沙爹牛 ，係一個好選擇，特登叫走湯，但都有少少米線水，但因為味道夠濃，你當係沙爹湯麵其實都啱數嘅，好濃有花生香，唔差。

配嘅包用左好流行嘅丹麥多士，方包都係軟嘅，但有牛油香，配呢個好白嘅炒蛋(阿姐話都係一齊炒，唔知點解咁白)，都幾夾。

之前睇相見到呢度嘅回鍋肉，好似唔係罐頭，下次試下先！

凍檸茶 ＋$3

呢度嘅檸茶都係比較澀

總計:$41

鳳姐米線

灣仔駱克道139號地舖

電話: 39973265