原來午市之後，會有避風塘粉麵系列，即係下次要過來再試。不如睇下早餐有咩食
沙嗲牛肉公仔麵 豬骨湯
好多新興冰室講究#沙爹牛肉麵 個沙爹要花生味濃，最好連個湯都係沙爹湯，呢度繼續係傳統味道，有沙茶味，但唔會超鹹太辣，配一般公仔麵食，好掛汁，咁已經足夠。同埋呢度係食人情味，本身想試羅宋湯底，但呢度嘅阿姐為左保持食物應有嘅味道，今次寧願俾一小碗我試下，都唔想賺我$3。試過羅宋湯唔係豉油西餐大量椰菜嘅版本，呢度係番茄同薯仔粒，所以湯底好濃。
火腿奄列 配牛油方包 $ 37
新式冰室會以鮮奶炒滑蛋做招來，呢度都係維持基本，唔做最滑嘅蛋，但呢種炒法有蛋味，配火腿絲，又係回憶嘅味道。
五香肉丁辛辣麵 $ 38 +$ 8
五香肉丁本身有少少辣味，配辛辣麵真係夾。呢度嘅湯底已經直接放喺碗度，唔會另外俾包粉你。因為韓國公仔麵🇰🇷本身就係圓形爽啲，真係識食嘅，唔需要特別證明👍🏼
兩件蘿蔔糕配牛油方包
蘿蔔糕係一個漢堡扒Size嘅細圓形，煎得香脆，裡面有少少臘味，味道唔會太濃太淡，配埋牛油方包，滿滿的澱粉質，一定夠飽。
紅豆奶茶+$8
奶茶好香滑，茶味奶味恰到好處。配埋紅豆，有另外一種香甜，不過下次再飲，奶茶叫少甜，味道會更好。
熱咖啡
夠香濃
總數 $ 93
#龍鳳食堂
荃灣沙咀道26-38號匯力工業中心地下3號舖
電話: 26141913
沒有留言:
張貼留言