變成外賣，繼續高級

有朋友住元朗嘅好處，就係有地方食高質外賣。知道有一間舖頭本身做高級鐵板燒，果陣叫#鉄皇 ，疫情之後繼續做鐵板燒，但食材比以前平民化，同埋變成只做外賣。人手就剩返老板同一個兼職，不過落單之後，見到個煮法一樣專業，所以一定要盡快食。

舖頭細細，好容易就睇到餐牌

現場仲有公仔裝飾

我啲嘢未到，睇住師傅炒飯先

https://youtu.be/HVyavVQ0zCA?si=x2jb3mzdUlnDPXm5

鐵板鰻魚丼 $88

本身呢度係原條鰻魚，份量幾大，所以燒好之後，師傅都有切開，先放到去飯碗上面。

鰻魚先煎香

之後用火槍燒個面。

所以好香但唔會太乾身，加埋照燒汁，好好送飯。

鐵板牛肉丼 $58

呢度嘅肥牛用鐵板煎香。

煙慢慢上升，肉香出曬來。

煮法無咁花巧。不過我幾鍾意佢個調味，之後擠嘅沙律醬，有少少wasabi味道，呢好少嘅刺激，平衡牛肉嘅膩，感覺驚喜。

鐵板魷魚鬚 $58

魷魚鬚炒一陣，跟住要用個鐵板燒專用蓋一陣，保留水份

再加秘製調味料同炸蒜蓉，就搞掂啦

食落多汁爽口，仲有少少沙茶香味，重口味嘅朋友，就一定要叫啦！

鐵板一口牛粒 $58

一如既往嘅先煎後炒

炒左一陣，師傅話準備放火，要我影相。加啲酒，即刻好多火

好期待陣間食嘅感覺啦！就算拎返屋企都好多汁，好正。

總數 $262

鉄皇子小賣所

元朗鳳攸北街11-15號益發大廈地下1號舖

電話: 54993728

性價比高 任食火鍋

平時多人嘅話，唔知食咩，一般都會揀食任食火鍋。#打邊爐 ，可以揀自己想食嘅肉，仲可以喺等待肉熟嘅過程，可以好好咁同朋友朋友傾計。今日係星期四，全日都可以第二位有半價，所以就算得兩個人，都揀食火鍋。呢度嘅肉係用QR CODE落單，而蔬菜、丸類、飲品熟食，都係自己出去攞。一人小火鍋模式，所以我地可以試兩款湯底。

LV3 澳洲和牛牛肉放題 平日$318+半價$159=477

呢個餐可以食澳洲和牛、澳洲黑安格斯、極上牛舌，同埋LV1 LV2嘅所有選擇。

最抵就係可以免費任飲紅酒、白酒、清酒，飲酒原價要加多$50架！

我地今次叫左兩款湯底

關東壽喜燒鍋

昆布醬油清清地，仲要有生蛋一隻

奶油豆乳鍋，真係有落少少奶架，好Creamy，不過唔可以太大火，同埋配重油食物會膩。

澳洲和牛最多油香，不過我落左豆乳呢邊，變左食唔到太多塊。

澳洲黑安格斯，肉味同脂肪都平衡

同丹麥王樣牛小排，感覺分別不大。

今次反而最愛，最瘦但最肉味嘅丹麥封門柳。

飲品就自己雪櫃攞

丸有好多款式

蔬菜都有花生苗🌱蟲草花、花心蘿蔔嘅等款式

醬料

公仔麵

清酒🍶

各種炸物，配各種Shake Shake粉，好玩

鹵水雞翼竟然有驚喜，台式鹵水，裡面有一隻辣椒，但唔辣，只係好香

打邊爐新嘗試

黑糖珍珠鮮奶 $15

打住邊爐都可以飲台式飲品，好幸福啊！黑糖嘅香甜，配鮮奶嘅Creamy，飲到最底都仲有好多黑糖，算抵飲。

純綠妍奶蓋 $15

打邊爐最適合飲茶消滯，呢款茶飲落清香，有奶香味，仲填補埋雪櫃裡面所有飲品都係甜，要飲茶就要用茶包沖熱水嘅空缺。

滋味葡撻 ＋$10

平時食任食火鍋，臨走前都會，食雪糕。不過今次有新選擇啦！佢呢個外皮好脆，蛋香都夠，雖然中間唔算好焦，但都收貨。下次都會願意加錢，食多一款嘢。

#牛牛日式火鍋放題

海之戀商場◀◁◀今次幫襯呢間分店

荃灣大河道100號海之戀商場1樓1010號舖

電話: 31687068

===↓↓↓====仲有以下分店============↓↓↓==

北角匯二期

北角渣華道123號北角匯二期1樓110-111號舖

電話: 23868776

#foodie #foodiesofinstagram #hkfoodie #hkfoodlover #hotpot #BBQ

#食好西 #火鍋 #燒肉 #烤肉 #放題 #相機食先

韓式打卡小酒吧

平時覺得諾士佛臺呢個地方好多酒吧，好多更加係適合打卡；韓國菜都係大份，但感覺草根!今次同朋友一齊食，就知道點解呢兩樣可以撈埋一齊，而完全無凸迄啦！一入到去，就見到有一隻熊。

同埋其他機舖嘅裝飾。

睇完餐牌，就自己用QR Code落單啦！

前菜

今次嘅前菜有泡菜同芽菜，不過今次芽菜嘅醃料同泡菜一樣，而唔係麻油，少左啲層次。

芝士鐵板泡菜炒五花肉 $158

佢係將凍嘅芝士連Gas爐一齊到，要滾熱慢慢將芝士煮溶。

腩肉就咁食會覺得好肥，仲要切得咁厚，加埋芝士更加肥膩。炒過嘅泡菜會令人覺得清新，又走左泡菜獨有嘅味道。清新嘅泡菜炒肉加芝士，成個菜式一樣好夾。

蕃茄韓式辣海鮮湯配中華麵$198

2-3人份，配以蜆、青口、蝦同小章魚烹製。雖然用左韓國最辣嘅青陽辣椒，不過因為辣椒舖面，所以滾返熱嘅時候，會感受到辣味。不過個湯主要嘅味道，係蕃茄嘅酸甜，飲落竟然係舒服順喉。所以下酒一流，但無酒都無妨。中華麵口感，介乎烏冬同油麵之間，非常吸湯。

原味芝心蛋卷$98

賣相有啲似日本玉子燒，不過呢個無日式咁甜。面頭用茄汁同沙律醬，感覺更似街頭小食。外皮鞋啲，但蛋味重啲。

自己用刀切開幾件，見到芝士可以拉絲。醬汁配搭適合芝士，亦酸甜解膩。

This Summer $58

茉莉茶味好出，但唔會澀。攪下啲糖漿，就會有菠蘿嘅果香🍍又唔會太甜。擺耐啲浸下，裝飾嘅羅勒葉，又會出味，配搭好令人舒服。

小計 $512

加一服務費$51.2

總計 $563

啤啤Bear韓國包車

尖沙咀諾士佛臺1號8樓

電話: 55320461