去呢間野之前，就睇左食記M嘅介紹文章
飯氣攻心 - 食記M
圍村的無敵菠蘿油 2014年07月03日
久不久就掛念華嫂冰室的美食，冰室位於元朗屏山鄧氏宗祠旁邊，像我這些區外人唯有周六才有時間光顧，雖然每次都有長途跋涉之感，加上等位需時(早上九點去到已經要等十幾張枱！)但獨特又出色的茶記美食，還是令我一吃再吃。
每次光顧必點招牌菠蘿包和冰花奶茶，厚如巨無霸的菠蘿包挾著番茄、煎蛋和厚切牛油，煎蛋每次也是流心或溏心狀態，麵包鬆軟卻不會一咬即扁塌，每次吃都不覺膩。冰花奶茶名符其實茶面浮著點點冰花，將奶茶雪凍至起冰，啖啖都原汁原味。之後Openrice都話除左麵包之外，仲有 番茄湯出名！
隨意點拼配料的粉麵看似同一般茶記無異，但吃過後就知其厲害之處，番茄、皮蛋芫荽及冬蔭功等湯底足料足味，濃郁得像番茄糊的番茄湯美味程度與勝香園不相上下。肉眼筋、牛肉、豬膶等配料新鮮好吃，豬扒、雞翼亦是誠意之作。
意猶未盡多點一份芝士鹹牛肉蛋多士，餡料層次分明，煎蛋呈溏心狀，加上鹹牛肉的鹹香味道，烘得香脆的麵包，上枱時切半疊起，賣相和味道都感受到廚師的用心。
如果去澳牛是獨特的茶記體驗，去華嫂冰室也不遑多讓，周日休息不營業，周一至六開朝八晚五，員工午飯時間暫停營業一小時，之前半小時又會截單，人多 又拒絕外賣。想吃的話實在要計準時間，以免白行一趟，更要留意店方不定時休業，好像光顧當日下午及未來兩天都休息，華嫂說因為手受傷了要處理，在此祝華嫂 早日康復。
FB：http://www.facebook.com/ReporterMhk
呢間野好犀利！只開星期一到星期六，紅日休息！同只做早餐同下午茶（通常2Pm後開），唔做午市
我地由天水圍行過去，行到坑尾村就可以
1：30PM已經有好多人排隊，因為有人幫手排隊，我地可以去附近睇下古蹟嘅，最好2：15PM可以叫Number入去食！不過原來除左入座之外，呢個Number另有作用，就係做埋你叫野寫單嘅次序！每個侍應只會服務一個Number！呢間都係一間講效率嘅茶餐廳，你一路叫野，侍應除左寫野，仲會一路用計數機計大數，之後用張寫有大數嘅紙埋單！！不過態度好過澳牛好多！呢度你都係要好快講你要食咩，唔係因為你會俾人問候，而係出面真係好多人等緊！我地問靚女侍應可唔可以加單，佢話『最好唔好』，俾著澳牛嘅，你全家都應該出曬場啦！話口未完，就有一個阿姐同阿叔，幫同枱其他Number落單啦！
餐牌
D野好快到！
秘製雞翼，原來係鹵水嘅，幾多香料味（好似食到八角）！同埋無骨肉分離，亦無皮肉分離。
凍奶茶！靚女侍應話果日無冰花奶茶，得凍奶茶。襯D冰未融之前，一定要飲一啖，真係好濃茶味。
凍話梅柑桔，有D人話話梅篤過，都出到少少味道～但整體上比馬來西亞嘅桔仔（青檸）水甜
全部都好得，豬仔算脆！芝士夠融！不過鹹牛肉變成鮮免治牛就好啦！因為真係好鹹！
肉眼筋（即係豬扒條筋啊！所以豬扒係無筋嘅）+鮮牛肉+魚片頭拉麵
（返到去先發現咁，唯有借用網上圖片）
魚片頭得兩粒，肉眼筋得四條，牛肉就比較多！不過竟然有唐生菜！
最好嘅真係個番茄湯，真係濃到可以撈意粉！真係好彩叫左番茄湯，因為個拉麵本來就酸嘅，條脷無咁敏感嘅，真係未必分到！叫其他湯底就會即時發覺啦！
雖然肉眼筋唔係好多地方有，不過肉眼筋食爽同滑，但佢整到普通滾湯嘅肉片咁！
牛肉就真係好滑，應該無落鬆肉粉
招牌菠蘿包
話招牌，但唔算做得好好！呢個其實係菠蘿油+熟蛋+生番茄！
首先講下牛油，作為一個菠蘿油，牛油唔夠凍，牛油已經融曬；作為搽麵包嘅醬料，牛油太厚，仍然見到一塊牛油！同埋麵包/湯麵配熟蛋已經唔好！整體來講其實又鹹又甜！如果你係潮汕人，可能會接受！
蛋沙律多士
呢度同出面嘅唔係好同，呢度多左好多菜同番茄
凍檸多
淡淡檸檬香味
豬扒菠蘿包（加單！）
靚女話下次加豬扒要快D講，因為豬扒要耐D，不過都係好快到！
雖然都係菠蘿包，不過就無左果種又鹹又甜嘅感覺，因為豬扒下面有生菜同番茄，再下面有酸甜嘅黃色芥末！亦減低油膩感！豬扒本身林，煎得香，Like！
埋單$183
沒有留言:
張貼留言