食素都有 黯然銷魂飯

經過元州街市政大樓，見到附近食店（有人話隔離加藤屋，同呢間有關係）好多人，要排隊。素味牽少人啲，就去試下素食 。

店內環境好舒服

有講到點解有食素

餐牌

黯然銷魂飯 $50

呢個名源自《食神》，即係叉燒煎蛋飯🍳素食店當然無可能有真叉燒啦！不過蛋奶素嘅朋友，可以食蛋，所以蛋仲係蛋，不過煎得今次無脆邊，反而用麵筋造嘅素叉燒好脆。豉油煮過甜甜地，都幾好。傳統黯然銷魂飯用泰國香米，但佢哋介紹用日本珍珠米，出來都真係珍珠米。黏嘅圓米配脆叉燒，好似都唔錯。

凍洛神花茶 ＋$2

酸酸甜甜，甜味多啲，但因為佢哋舖頭用左冰糖，所以比較清甜。

 (加配)蔬菜金錢袋2件 ＋$10

小食可以揀春卷或者金錢袋

試過原來都係春卷皮包菜，裡面有粉絲同少少薑味，有時食皮，有時食餡，都幾好。

Total :62.0

素味牽

深水埗元州街32號地舖

電話：2725 6618

#foodie #foodiesofinstagram  #hkfoodie #vegetarian#foodie #foodiesofinstagram  #hkfoodie #vegetarian

#Ovolactin #深水埗 # #素肉 #蛋奶素 #叉燒 #素叉燒 #

 #齋口唔齋心

豬骨拉麵試過咁多次，試下雞白湯

今次去左出名雞白湯嘅#金鶴拉麵 ，入去食果陣唔太多人，有一個講廣東話嘅日本職員，話要用QR Code落單。

店內環境

官方簡介話湯底用日本赤雞煲6個鐘以上，比普通版更濃厚順滑，日本傳統口味吸引到我。

仲有骨膠原，順便美容，雖然價錢差$40，但一場上到去，就試下。

極濃雞白湯拉麵 (人氣 NO.1) $138

個麵到左，試一啖湯，真係好濃，但味道好清唔膩，加埋木耳絲同生蔥，有少少薑味。跟住開始試一條條薄薄炸得金黃色，原來係牛蒡絲，因為唔油炸完香脆，同時有牛蒡香氣、清新，苦味走曬，好適合取代一大塊容易濕水，變軟嘅紫菜。 不過今次溏心蛋無咩特別。

拉麵用左粗麵，湯底咁濃，都會掛到湯，同埋可以Keep到好爽嘅感覺

拉麵有兩款肉提供，兩塊日本薩摩雞胸肉，同一塊日本黑豚叉燒，兩款都感覺嫩滑。感覺黑豚都有慢煮過，豬肉濃，但無騷味。不過雞湯好似都係雞肉襯啲。

小計：$168

加一：$16.8

總數：$185

分店地址

*中環店：中環荷李活道39號 

電話：2697 9780 

佐敦：佐敦九龍佐敦閩街3號地舖 

電話：2790 2988 

土瓜灣店：九龍土瓜灣九龍城道10至16A舖 

電話：2690 1168 

北角店: 北角和富道6號嘉洋大廈地下A舖 

電話：2219 9877 

天后店: 天后炮台山蜆殼街6-16號寶榮大廈地下E號舖 

電話： 3460 2398 

#ramen #hkfoodie #foodie #instaramen #japanesefood #foodporn #japanesenoodle 

foodporn  #佐敦美食 #土瓜灣美食 #北角美食 #中環美食 #炮台山美食 #金鶴拉麵 #拉麵 #食好西 #雞白湯拉麵 #拉麵控

Food Court，令將軍澳脫離沙漠

兩份都配沙律、珍珠白飯同味噌湯

兩塊扒本身都有足夠鹽分，兩份餐都係揀左黑椒汁

美國安格斯西冷 $88

油份重啲

紐西蘭肉眼 $88

牛肉味濃啲

凍沖繩黑糖奶茶 $35，跟餐－$11=$24

多色排隊丼飯小店

#夠薑媒體 報左 #橫濱水手 俾人搞，下月底要停業七日。今日見到#大家都要點做啦 ！為左懲罰得徹底啲，今日決定試下#丼飯 唔叫#手捲 啦！

燒帆立貝丼 (原本係：洋風燒三文魚帆立貝丼) $88

因為唔食三文魚🐟所以問佢有無得淨係要#帆立貝，佢哋話有，因為佢哋啲位都坐滿人，所以攞走，大家好乖啊！

飯同壽司🍣手捲一樣係醋飯，少少凍啦！Wasabi 有粒粒，應該真係Wasabi，而唔係用粉開嘅染色辣根。#元貝 輕輕燒過，無咩點落嘢，好似有加少少牛油，半熟，彈牙軟化而唔會韌。生嘅元貝，平時一係夠凍好冰，一係攤耐左夠滑，但開始變腥，今次呢種配搭啱啱好，數量又夠多。同埋有沙律菜同兩條蟹柳，配少少豉油已經超正。呢個飯可以平衡唔同嘅營養，元貝本身都係一種低脂肪、低膽固醇嘅食材，難得今日咁健康，同埋咁擺，都方便#相機食先。

碗飯跟兩盒豉油、一盒蘋果綠茶。

餐牌

仲有手足紀念品

橫濱水手

地址：觀塘成業街7號東廣場53a

電話：9089 4898

#foodie  #foodiesofinstagram #hkfood #sushi

#美食 #食好西 

#天水圍 #黃店 #黃色經濟圈 #良心小店 #壽司 #丼飯 #用港幣懲罰佢 #用脂肪懲罰我

黑糖珍珠配芒果，咩味道呢？

2028-08-23 17:55:52

有段時間，喺IG成日見到呢間#茶墨 #teabrush ，除左啲大牌子之外，呢間嘅虎紋珍珠更多款式。

因為想飲啲生果味嘅嘢，所以今次叫水墨系列，比較少人試嘅味道✺✺✺✺✺✺✺✺✺✺✺✺✺

舖頭細細，都有啲位坐

餐牌

除左飲品，都有蛋糕🎂

黑糖珍珠芒果鮮奶 (少甜、少冰25%) $39

底下嘅黑糖已經撈好珍珠，有黑糖香味。芒果汁完全無渣，又透明，雖然應該係濃縮芒果汁，但因為本身唔係太甜，所以芒果奶本身好飲，撈完黑糖都唔會好甜。

杯嘢好飲，但影相嘅水墨效果唔明顯

下次為左打卡，一定要試其他味

茶墨

尖沙咀彌敦道100號The ONE 4樓L411號舖

Shop411, 4/F, The ONE, 100 Nathan Road

舖仔細細，食湯咖哩

2020-09-08 12:38:21

好甜好濃嘅日本咖哩成日食，但好多蔬菜順喉嘅札幌名物「湯咖哩スープカレー」，完全唔同感覺。之前喺美食沙漠馬鞍山，嘅新東王試過一次，之後念念不忘，湯底好甜好多蔬菜，配一隻雞髀。原來九龍區都有架，喺觀塘區lingduck 拎得，發現有另外一間黃店都有。呢間都係一間舖頭仔，出名日式大碗飯同湯咖哩。

雖然佢哋舖頭太細，都要用即棄餐具，但用紙碗，都算相對環保啦！

餐牌

環境

舖頭細細，裝修好日本

店內都有文宣

雞腿湯咖哩定食－配飯,是日漬物 $ 66

餐牌寫製作需時，但牛肉唔洗，覺得係好大隻雞髀。見到嘅係一塊有香料煎香、切碎嘅雞扒，放喺湯咖哩上面，咁樣好方便食用。咖哩湯底好甜，容易入口，唔知係用洋蔥定蘋果呢。蔬菜種類都算多嘅，第一啖食到連皮小薯仔，之後有南瓜🎃矮瓜(茄子)🍆，仲有好多菇，而新東王就係西蘭花，配好甜嘅咖哩湯，如果唔係有湯送，應該都會飲埋啊！白飯用珍珠米，成本都唔低

值得一提嘅係，所有追加嘅配菜都係分開上嘅

雙重芝士魚餅 $12

芝士都係少少融，幾好食，但唔算特別。

帆立貝 $12

呢個價錢，應該係幾隻細，或者一隻大，都好啱數。以為佢就咁就咁烚完，最多加啲燒汁，爭鮮就係咁啦。點知唔係，原來就算係加錢嘅配菜都有用心整，呢隻元貝係煎嘅，香口，裙邊都好脆。

味噌湯

無咩特別，味道偏鹹，似開粉，不過都有好多海帶芽。作為免費配嘅湯，算係咁啦！

總數:$90

犢食 DUKSTK

觀塘巧明街105號好運工業大廈3樓D室

instagram.com/duksik3d

功在當代 利在千秋

多謝幫襯!

粒粒雪糕 童年回憶

好耐無食過#粒粒雪糕 啦！咁啱經過 九龍城 ，就見到 #童年回憶，巧Kai辛啊😯

以前喺部機買，都要$20，巧貴貴啊😯記得以前部機寫，雪到-40℃變成冰好硬，所以整到一個波波咁方便食，同埋變成大家回憶啦！

香港開返舖頭，記得有兩種味會食，其中一種就係香蕉朱古力🍌(宜家變成#香蕉雜錦 同#黑白朱古力 兩種味)。另外一款會食嘅味，就係#冰極彩虹 🌈

單味$35，雙味$45

今次淨係幫襯咗冰極彩虹，同以前一樣都係好多顏色，不過因為呢個係生果味(主要試到紅色係士多啤梨)，無咩奶，所以呢款味，係感覺比較冰，而唔係好滑嘅。

舖頭裝修好靚

仲有一隻#Pepe 喺門口

(#九龍城廣場 好似好快要拆，之後要起樓)

粒粒雪糕 Mini Melts KCP

九龍城賈炳達道128號九龍城廣場1樓125號舖

2135 7105

#食好西 #甜品 #雪糕 #粒粒雪糕