有自家特色韓國小食

2020-12-23 12:32:40

咁啱搵緊屯門美食，又想食#炸雞 ，無理由又食返啲連鎖店架，無意中發現#時光雞  。呢間嘢個位置好隱世，置樂花園行落去，有好多個坊。地址寫明青山坊，不過搵唔到，行到清河坊都未見到，索性兜一個圈，睇喺邊。結果去到清湖坊嘅巷仔就搵到啦！出到去睇返，原來就係壽桃牌入去嘅巷仔就得，唔洗兜咁耐。

韓式甜辣炸雞(5件) $48

呢度嘅炸雞原來係同醬汁分開上嘅，早知叫多幾款啦！其實我哋叫左兩款嘅，想知仲叫左咩味，幫手訂閱我加入新平台 #玩美人生@thewholepackagelife 嘅Patreon，入去睇文！有時會有限時免費文架。淋埋汁落去，影相真係靚好多。雖然叫甜辣，但唔係好似韓國嘅咁顏色，味道都唔係好同。除左韓國辣椒醬之外，好似仲有酸酸甜甜，有泰國雞醬嘅感覺。炸雞本身有一粒粒，感覺有粟米片，可以更加脆，雞本身都算Juicy。

蜜糖芥末炸雞

牛小排餃子(5隻) $28

外皮都係炸得好脆，裡面包牛肉餡料。開頭都係以為普通牛肉碎，不過之後好香，又有肉汁，有下次。

總數:$76

時光雞

地址:屯門青山坊2號華樂大廈地下58號舖

電話:36871137

要求:立即出餐

香港人加油

F.D.N.O.L. F.F.F.

hkfoodie #foodporn #foodie #hkfoodlover #foodiesofinstagram #hkfoodie #food #friedchicken #fastfood @zeppelinhotdog

#炸雞 #快餐  #黃店 #懲罰 #良心食店

#用港幣懲罰佢 #用脂肪懲罰我

試食漢堡名店

知道灣仔有間漢堡包#burgerjoys 好出名，但一直無時間幫襯。最近經過中環半山電梯，原來好多茶檔嘅士丹利街，宜家都有分店，即刻入去試下啦！

餐牌

舖頭

Signature Double Cheese Burger 

特色雙層芝士牛肉漢堡🍔$139

因為去到唔知試還款，揀Signature應該無錯。佢哋特別註明用黑安格斯牛肉 ，其實食得出嘅，因為肉味特別濃。上枱果陣，發現點解要有個盒遮住呢？原來咬落去，牛肉好鬆好多肉汁，不過因為好鬆，有啲肉移位，最後一啖有機會咬唔到肉，但都仲有好多肉汁。芝士融融地增加口感，下面嘅生洋蔥有少少辛辣，配埋番茄🍅、生菜、酸青瓜同沙律醬，真係減低肉嘅油膩感。不過我個口真係唔夠大，無辦法一次過食曬完整嘅口感，係有少少美中不足。

Burger Joys

G/F, 82 Stanley Street, Central,HK.

香港中環士丹利街82號地下

#hkfoodie #foodporn #foodie #hkfoodlover #foodiesofinstagram #hkfoodie #food #hamburger #burger #fastfood @burgerjoys

#漢堡 #快餐 #高級 #中環美食

火滾食熱狗

18/12/2020

宜家又限聚令，六點又禁堂食，夜晚真係唔知可以食咩。如果夜晚無屋企飯，未返屋企，又唔係OT，坐喺街度食，真係只可以咬包。隔離都有其他黃店嘅，因為今次想要佢張魔法卡，所以食熱狗。

#火炙芝士辣肉醬熱狗 $42

首先講下個包，呢間分店烘得幾脆。

熱熔芝士增添口感

要講下呢個肉醬好特別，第一下完全唔辣得茄汁味，之後會愈來愈辣，幾刺激。

大條荷蘭腸好脆皮，不過因為好粗，容易甩出來。

餐＋$12 揀兩樣

牛油粟米

一杯急凍粟米粒，但有粟米甜味，仲有牛油香味，舖頭唔會因為配套餐而Hea你嘅。

菠蘿-冰

就係一塊罐頭菠蘿🍍雪到變冰

餐牌

合計 $54

齊柏林熱狗店 (荔枝角)Zeppelin Hot Dog - LCK

荔枝角青山道香港工業中心A座地下A6A號舖

Tel:7074 2299

hkfoodie #foodporn #foodie #hkfoodlover #foodiesofinstagram #hkfoodie #food #hotdog #fastfood @zeppelinhotdog

 #熱狗 #快餐  #黃店 #懲罰 #良心食店

#用港幣懲罰佢 #用脂肪懲罰我

http://www.zeppelinhotdog.com

呢個時候，食二人餐抵啊

今次同新朋友去Give Me 5食飯啊！

就係食左咁多嘢，味道OK，都幾夠飽

之前幫襯過一次半自助餐，都唔錯。除左主菜之外，仲有沙律、串燒、甜品任食，宜家仲有得咁食嘅。不過宜家武漢肺炎啊！唔係好多人幫襯，串燒唔會去得好快，成日出去會影響傾計，二人餐又有折，係無串燒食姐，不過坐得舒服好多，咁今次叫餐啦！

2人Dinner Set $628

→六折 $377

湯同餐包，唔記得影俾大家睇添。

湯係羅宋湯，除左茄膏之外，我呢碗都有啲西芹，最後竟然有一粒牛肉啊😯

而餐包係焗得好脆嘅蒜蓉法包

煙三文魚沙律

真係好多菜，大部分沙律菜款式都有，配千島醬。試左少少三文魚，無平時嘅咁腥味，煙味重，都鹹啲，好彩有咁多菜，一齊食感覺Ok

澳洲肉眼扒(8安士)配野菌汁

我哋其實叫左七成熟，不過啲牛肉切出來係白色嘅。一啲肌紅蛋白（即係平時大家所謂嘅血水）都無嘅，不過都算有牛味同埋唔算超韌。鹽應該落得幾重手，因為牛扒表面幾鹹。不過落左野菌汁，竟然平衡返曬。

帆立貝黑松露野菌意大利飯

個飯好Creammy，好多菇，食完呢個飯都幾飽。為左大家，我又食好嘢啦😯幫手訂閱我加入新平台 #玩美人生@thewholepackagelife 嘅Patreon，呢樣嘢咩味，我會喺Patreon寫！有時會有限時免費文架。

要講下送嘅餐飲，我哋都揀左凍檸茶，呢度糖漿同凍飲分開上嘅。未落糖之前，試下味，佢無一般茶記凍檸茶走甜嘅苦，證明無爛檸檬🍋茶都唔係擺左好耐，唔落都無所謂，都有清香嘅感覺。

芝士餅配雪糕球

呢個係套餐附送嘅甜品，都係一件常見嘅用消化餅底嘅芝士蛋糕。雪糕原來有特別，我呢個朱古力雪糕，朱古力味好濃，晴美小朋友嘅芒果雪糕酸酸甜甜，唔會有芒果雪糕嘅假香精味。望下個雪櫃，原來呢個係Movenpick雪糕，唔係一般嘅雀巢（唔記得影俾大家睇添）

原價加一 $62.8

總金額

$ 440

GIVE ME 5

觀塘鴻圖道90號5樓

21140343

#foodie #foodiesofinstagram #hkfoodie #bar #steak #risotto #movenpick

#晚餐 #觀塘 #食好西 #肉眼  #二人餐 #酒吧 #美食

素食車仔麵

荃灣千色店附近小巴站，有一間素食店，裡面有好出名嘅叻沙湯底車仔麵，平時少行呢個位，都好耐無去呢間啦！因為朋友嘅推介，今次終於叫左成日都無貨嘅炸薯片試啦！

坐底每人整碗湯飲下，雖然好耐無去，次次都係南瓜/木瓜湯，今次終於唔係啦！

西洋菜湯

因為無肉，所以味道清啲，好似飲到羅漢果

三餸車仔麵  湯麵$45，加餸每款$8

兩碗都係揀左喇沙汁，其實可以揀滲滲嘅

因為呢間轉過幾次手，現任老闆係新加坡人，喇沙湯底係佢帶來嘅。除左無蝦殼味道之外，其實喇沙葉等等各種香料，同埋奶粉其實好夠味，有機會好過其他東南亞餐廳。

紫菜素鴨芝士腸油麵 $53

芝士腸真係有芝士出，不過無脆皮

時菜魚蛋牛蒡扒米粉 $45

魚蛋都係大豆蛋白產品，但口感異常相似，素食者都會有回憶

薯片

原來唔係超級市場好薄嘅薯片，有厚度嘅，有啲似煎醸三寶嘅番薯，外層有少少炸粉香脆得來有軟綿綿嘅感覺

#hkfoodie #foodporn #foodie #foodiesofinstagram #ramen

#車仔麵 #叻沙 #喇沙 #素食 #用港幣懲罰佢  

#用脂肪懲罰我 #無得飛喺香港食住先

#黃店 #良心食店 #荃灣 #食好西

試食gardein植物雞

green common 2020-10-25 12:03:49

最近都有唔同牌子嘅植物肉，除左 Beyond Meat同新豬肉之外，仲有植物雞

焗葡汁植物雞飯 $79

好多葡汁好濃仲有芝士，係一般焗飯嘅感覺，素食者好耐都無食過

植物雞因為滑，雖然無咩豆味，所以唔係太多雞嘅感覺，好似腐竹同蛋白嘅感覺蛋，都有煎過，所以都有香口嘅感覺。

除左植物雞之外，仲有好多配料。有好多蔬菜：包括西蘭花、車厘茄🍅紅蘿蔔，最特別係竟然有提子乾，真係原本葡國雞飯嘅感覺，所以除左價錢貴，都無咩缺點啦！

呢度叫左主食，可以加錢配小食、飲品。成日都食埋啲唯一缺點係貴嘅嘢，遲早食白飯啊😯

幫手訂閱我加入新平台 #玩美人生 @thewholepackagelife 嘅Patreon，等我唔洗食白飯啦！有時會有限時免費文架。

Combo一Salad (小) $18

因為夜晚燒嘢食，準備食好多肉，所以叫左個沙律打底

Combo一奇異果薄荷梳打(GC)$28

合計$125

服務費$12.5

總金額$138

Green Common

地址: 荃灣大河道98號如心廣場商場二期1樓101號舖

電話: 26620553

好耐無試過熱狗，一食就食著名黃店

話說有一日下晝，好想食#熱狗 呢樣最近特別流行嘅嘢(大家明我講咩啦😎😏)，原來#齊柏林熱狗店 已經開到去灣仔啦！

#zeppelinhotdog #zeppelinhotdogwanchai 

今次試左佢哋其中一種Best Seller

#澳式風情熱狗 $38

裡面真係好多融左嘅芝士，加埋煙肉，同埋脆皮嘅紐倫堡腸姐，真係好邪惡啊😯好彩有酸酸地嘅千島醬同菠蘿🍍平衡返，唔係就會好膩。

飛船小食杯 $26

都係啲普通嘢，#薯角 、 #洋蔥圈 同 #雞塊 (#麥樂雞) 純粹係除左薯角成日食之外，另外兩樣好耐無試過所以食返。餐牌寫同時有茄汁同燒烤醬，以為係各有一半，原來係茄汁配少少燒烤醬，咁個茄汁係有少少燒烤味同埋無咁酸嘅。

餐牌

舖頭仲有好多#文宣 啊

總數$64.00

齊柏林熱狗店 (灣仔分店)

地址: 灣仔灣仔道121號地下A號舖

電話: 95447356

食素都有 黯然銷魂飯

經過元州街市政大樓，見到附近食店（有人話隔離加藤屋，同呢間有關係）好多人，要排隊。素味牽少人啲，就去試下素食 。

店內環境好舒服

有講到點解有食素

餐牌

黯然銷魂飯 $50

呢個名源自《食神》，即係叉燒煎蛋飯🍳素食店當然無可能有真叉燒啦！不過蛋奶素嘅朋友，可以食蛋，所以蛋仲係蛋，不過煎得今次無脆邊，反而用麵筋造嘅素叉燒好脆。豉油煮過甜甜地，都幾好。傳統黯然銷魂飯用泰國香米，但佢哋介紹用日本珍珠米，出來都真係珍珠米。黏嘅圓米配脆叉燒，好似都唔錯。

凍洛神花茶 ＋$2

酸酸甜甜，甜味多啲，但因為佢哋舖頭用左冰糖，所以比較清甜。

 (加配)蔬菜金錢袋2件 ＋$10

小食可以揀春卷或者金錢袋

試過原來都係春卷皮包菜，裡面有粉絲同少少薑味，有時食皮，有時食餡，都幾好。

Total :62.0

素味牽

深水埗元州街32號地舖

電話：2725 6618

#foodie #foodiesofinstagram  #hkfoodie #vegetarian#foodie #foodiesofinstagram  #hkfoodie #vegetarian

#Ovolactin #深水埗 # #素肉 #蛋奶素 #叉燒 #素叉燒 #

 #齋口唔齋心

豬骨拉麵試過咁多次，試下雞白湯

今次去左出名雞白湯嘅#金鶴拉麵 ，入去食果陣唔太多人，有一個講廣東話嘅日本職員，話要用QR Code落單。

店內環境

官方簡介話湯底用日本赤雞煲6個鐘以上，比普通版更濃厚順滑，日本傳統口味吸引到我。

仲有骨膠原，順便美容，雖然價錢差$40，但一場上到去，就試下。

極濃雞白湯拉麵 (人氣 NO.1) $138

個麵到左，試一啖湯，真係好濃，但味道好清唔膩，加埋木耳絲同生蔥，有少少薑味。跟住開始試一條條薄薄炸得金黃色，原來係牛蒡絲，因為唔油炸完香脆，同時有牛蒡香氣、清新，苦味走曬，好適合取代一大塊容易濕水，變軟嘅紫菜。 不過今次溏心蛋無咩特別。

拉麵用左粗麵，湯底咁濃，都會掛到湯，同埋可以Keep到好爽嘅感覺

拉麵有兩款肉提供，兩塊日本薩摩雞胸肉，同一塊日本黑豚叉燒，兩款都感覺嫩滑。感覺黑豚都有慢煮過，豬肉濃，但無騷味。不過雞湯好似都係雞肉襯啲。

小計：$168

加一：$16.8

總數：$185

分店地址

*中環店：中環荷李活道39號 

電話：2697 9780 

佐敦：佐敦九龍佐敦閩街3號地舖 

電話：2790 2988 

土瓜灣店：九龍土瓜灣九龍城道10至16A舖 

電話：2690 1168 

北角店: 北角和富道6號嘉洋大廈地下A舖 

電話：2219 9877 

天后店: 天后炮台山蜆殼街6-16號寶榮大廈地下E號舖 

電話： 3460 2398 

#ramen #hkfoodie #foodie #instaramen #japanesefood #foodporn #japanesenoodle 

foodporn  #佐敦美食 #土瓜灣美食 #北角美食 #中環美食 #炮台山美食 #金鶴拉麵 #拉麵 #食好西 #雞白湯拉麵 #拉麵控

Food Court，令將軍澳脫離沙漠

兩份都配沙律、珍珠白飯同味噌湯

兩塊扒本身都有足夠鹽分，兩份餐都係揀左黑椒汁

美國安格斯西冷 $88

油份重啲

紐西蘭肉眼 $88

牛肉味濃啲

凍沖繩黑糖奶茶 $35，跟餐－$11=$24