呢間越南嘢，好似幾正宗

2020-12-28

小越廚 ，我細細個就聽過個名啦！經過好耐，多數都係隔離街食嘢，呢條街淨係幫襯過隔離一品香嘅上海嘢。之後去FB搵返地址，原來我16定17年果陣Share過介紹呢間嘢嘅Post，呢間都有幾年，終於知道呢間喺邊啦！

餐牌

醬料

火車頭湯河 $48

牛骨味道重好濃，另外配生洋蔥同金不換，碟仔另外有青檸同辣椒。香料味道好舒服，用左幼河粉，河粉爽滑。湯底係暖嘅，唔係完全滾，可能因為唔想完全煮熟肥牛，不過湯底食一陣就會出油，有啲油膩感。宜家開始將每種牛肉由淡至濃開始食起啦！

肥牛嫩滑，不過無咩特別味道，整體算比較清。

之後到牛筋丸，食落唔係完全爽，有少少腍腍地，仲有胡椒香味，我未喺越南食過牛丸，唔知係咪當地特色呢

牛腩味道最濃，有香料味道

牛油果奶昔 ＋$25

牛油果好creamy，加埋煉奶提供甜味。本身怕就咁食牛油果，如果要食，最鍾意嘅食法加州手捲，有沙律醬有菜，就唔會有果啲獨特嘅油膩味道，同時口感Creamy啦！喺越南飲過一次呢啲奶昔，知道有煉奶，返到香港飲返。呢間係有越南嘅感覺。

加兩樣跟餐小食 ＋$69

原來好大份，每樣4件，食完有啲滯

魚露雞翼

個樣都係炸雞翼嘅樣，第一啖咬落去，係淡淡嘅魚露香味(好彩唔係好鹹)，之後都有啲香茅味，層次好豐富。

連酸魚露

春卷

米網炸得好香脆，裡面有啲肉碎同芋頭絲，配埋胡椒味，好香口。

小越廚

地址: 荃灣享和街49號都城大廈地下D舖

電話: 26876988

#午餐 #荃灣 #食好西 #火車頭湯河 #春卷 #越南菜  #美食