試試日式新小店

上次去橫跨深水埗同太子嘅基隆街，其實大南街都係咁，不過呢邊近年比較多Cafe，想食飽都有新選擇。近太子呢邊食，最近開左一間日式小店，有各種炸物同壽喜燒，不過因為太新，新到門口有張紙貼住試業，所以人流未算太多。

睇下舖頭環境都好和風

呢度係用QR Code落單嘅(好彩有WiFi)，所以自己上網睇啦，Cap第一版先，拉落去仲有少少選擇。

每個客人會有一碟酸醃蘿蔔作為餐前小食，一般中式嘅會有啲臭味，不過因為呢間加左啲柚子，所以得返清新開胃嘅感覺。

名古屋風味粟米(素)$58

驟眼睇，有一種好熟悉嘅感覺，有啲似大排檔嘅避風塘粟米。呢個炸粟米都有炸蒜同少少辛辣味，呢種味道唔係來自辣椒，而係來自七味粉同生蔥，香口得來唔會太刺激。

胡麻赤麵(冷)$48

就咁睇，佢唔太特別，就係一般蕎麥麵。就係芝麻醬加啲青瓜同蟹柳撈埋。但佢地嘅麵條比出面爽，幾樣嘢撈埋有清爽嘅感覺，適合食兩樣炸嘢。

吉列千層豚$78

腦細話呢個比較厚，要炸耐啲，以為係普通嘅厚豬扒。原來係一個#手工菜 ，用好多塊腩肉薄片疊埋，再上粉炸，會比普通豬扒多啲肉汁，多一份油香。當食超過一件之後，開始覺得膩，就記得點醬啦！原來佢唔係普通嘅沙律醬，佢溝左少少Wasabi，除左酸酸甜甜，都有一份輕微嘅刺激感，配搭相當有心思。

100%橙汁$16

真係唔太甜，開胃舒服

總計 $200

八不

大南街52號地鋪

電話:64111154

鳥籠High Tea以外

一直都知道呢度嘅下午茶，用鳥籠裝住，好適合打卡。但呢個時間以外食正餐，會有咩食呢。第一次去，就試下晚市套餐。

睇下餐牌先

是日餐湯

今次嘅餐湯係番茄湯🍅唔係平時嘅意大利雜菜湯好多配料，都唔係加左忌廉撈到好Creamy，就係清清地嘅番茄湯，呢種反撲歸真，令人感覺開胃。

$10 生蠔*6=$60

⭐️舖頭做緊$10生蠔 優惠，今次叫左6隻⭐️

今次嘅生蠔，係比較淡嘅口味海水味唔濃，初接觸嘅朋友，都容易接受到，擠啲檸檬汁🍋點啲Cocktail，鮮味出曬來。

意大利腸沙律🥗

沙律本身有青瓜、車厘茄同各種沙律菜，有幾塊蘋果增加口感，配香甜嘅蘋果醋，唔係平時嘅意大利醋，開胃之餘，有一種新鮮感。加埋幾塊意大利腸嘅鹹香，令沙律更名貴。

黑松露意大利雲吞

一碟有兩隻雲吞，方便分享。撥開上面嘅芝士碎，因為雲台皮顏色偏白，見到一隻類似北方餃子嘅嘢，裡面係黑松露同菇類，就算有濃味嘅芝士碎，都唔會互相搶走對方嘅味道。

慢煮紐西蘭牛柳伴香煎砵酒鵝肝 $328

紐西蘭牛柳好腍，外皮都算煎得脆，都有胡椒香味。鵝肝都係脆。配菜有紫薯蓉，一樣Creamy，但無一般薯蓉咁膩，陪好有嘅鵝肝，真係啱啱好。

意大利惡魔烤春雞 $248

本身都鍾意燒雞，見到惡魔呢個字有啲想試。見到都有成隻雞，分量都OK。脆皮之外，有香料味，但完全唔辣。配菜同牛柳嘅一樣，都係紫薯蓉同三條豆角。

北極光(沙冰) $52

主要材料有蘋果汁🍎青檸🍋薄荷🌱嘅沙冰，咁多種溝埋，味道好Flash，今次食左咁多肉類，啱曬！加埋蘋果汁，令飲品清新之餘，唔會太酸，感覺容易入口。

Yuzu Gin Tonic $68

呢款好飲，加入柚子，果味夠濃。飲完一段時間，先有少少酒味滲出，好舒服。

Galaxy Martini $68

呢杯紫色飲品，本來嘅作用係打卡，我最後未飲都有啲醉啦🍻

焦糖燉蛋 $58

焦糖好脆，匙羹壓落去即刻裂。裡面唔太甜，蛋香濃，都算滑。有啲比較生嘅生果平衡味蕾，都係一個好好嘅操作。

合計:$882

加一:$88.2

總計: $970

🤎🦌Deer Kitchen🦌荃灣◁◀◁今次幫襯呢間

🏠荃灣楊屋道1號荃新天地一期地下G06-G07號鋪

電話：25610016

======↓↓↓仲有以下分店↓↓↓==========

🤎🦌Deer Kitchen🦌觀塘

觀塘興業街4號The Wave 6樓 01室

電話: 37065298

正宗川渝辣串 新鮮罐頭飯

香港都開得愈來愈多，所以競爭都會好大，點都要啲特色吸引人，好多人介紹佢嘅特色，就係#新鮮罐頭飯，都想試下呢樣嘢點得意，就真係去幫襯。去到見到呢間外賣店幾企理，選擇都幾多。仲有話銀紙有毒 ，不收現金(所以大部分電子支付都會有)，會更加相信佢夠衛生。

首先去到睇下餐牌先

麻辣燙係自己畫張紙嘅，包保清楚

一人套餐(八串) $48

香港小食店嘅所謂麻辣燙，多數都係一碗湯上面有啲辣油，再將啲丸放落去。呢度有介紹，教人用#沾料 派左一包 #油碟 同#乾碟 (辣椒粉)，呢個係重慶#冷串串 嘅正宗食法，即係有返咁上下麻辣。

因為細佬怕辣，醬汁都係揀返騰椒味算。

今次試左

(原價$5)豆腸、豆結、素毛肚

(原價$8)年糕、風琴串、脆皮腸、豬皮、魚腐

都係一啲吸汁嘅配料，各有口感，配埋清新香麻，但完全唔辣嘅騰椒豉油，屋企有煮菜，發現就算簡單點蔬菜都增加到鮮味。

香辣雞煲飯 $48

雞煲多數係幾個人食，想試下變成一人飯會有咩感覺

佢地將餸煮熱之後，就會放入罐頭用機器密封，攞嘢會得到一罐餸同一罐飯。除左得意之外，原來真係有作用，因為返到屋企，辣串嘅紙杯已經凍曬，但45分鐘先食雞，仍然微暖。

外觀已經睇到同一般炒過嘅雞，之後再落湯打邊爐有唔同，呢個本身已經比較多汁，適合配飯。呢個香料味重啲，個汁有乾蔥。而雞肉煮得腍啲，感覺係一個炆嘅餸。除左真雞肉，仲有幾片好似雞翼尖嘅豆制品，一樣好吸汁，又係呢個一大特色。食落去首先係鹹同少少香料同麻味，之後辣味慢慢滲出來，時間愈耐，愈感覺到辣，終於明白點解舖頭要推介冰粉啦！下次要試啦！

總數 $96

#米串咀 @daydaychillhk

荔枝角青山道489-491號香港工業中心A座地下A2F號舖

電話: 9798 6916

 

#foodie #foodiesofinstagram #hkfoodie #hkfoodlover #chickenpot 

#食好西 #外賣店 #麻辣燙 #雞煲 #罐頭飯  #相機食先

茶記特色海南雞

有一次體現茶餐廳#中西合璧 有香港特色啦！今日去到荔枝角長沙灣交界，工廠區一間茶記，見幾多人幫襯，餐牌選擇幾多，就入去試下。今次有試嘅嘢，都好有特色。

睇下餐牌先

呢度環境幾好

西蘭花忌廉湯

叫完嘢，好快就有湯上。如果你去一間海南雞專門店，或者泰國餐廳，你會得到一碗冬瓜雞湯。不過侍應哥哥話舖頭唔做中湯，只有西湯，就有呢個效果啦！個湯好濃，好多西蘭花，都有少少蒜蓉味，感覺唔錯。免費送嘅湯計，係非常OK

L4 海南雞大碗飯 $48

一般大碗飯都係日式嘅餸，或者放燒臘。海南雞飯一般都係一隻碟放雞，再有一個細碗裝油飯，今次變成大碗飯真係過癮啦！今次油飯同雞真係鋪滿一個碗，另外有花生同幾條甘筍，分量好足夠。油飯雖然無咩顏色，不過都有香茅同蒜蓉香味，味道其實好足夠。雞皮爽，有浸冰水，雞肉都算滑。推薦點辣醬多過薑蓉，酸酸辣辣有蒜蓉味道。如果要講嘅，只係雞有骨，望落唔太似海南雞飯。

凍檸茶 $＋3

個樣就係普通凍檸差一杯，所以都無影低啦！除左酸甜之外，吞落去好似有黑糖嘅感覺，有蔗嘅味道，同埋茶有少少麥茶味，變成「特飲」

總價:$51

#金葉

九龍長沙灣長沙灣道909號地下1號舖

極少素肉，高質Fine Dining

最近#素食青年 好多Post，開始認識呢個名，原來呢間Vegan Fine Dining做到14/8，好多特別嘅肉食名稱西餐，但呢度極少用#素肉，主要用蔬菜造成，但個整體感覺都好似食肉，非常高質。不過因為臨近結業，好多想食嘅款式都無，比較失望。

先睇餐牌

Foie Gras Pate with Toasts $128

真鵝肝太膩，我食唔到，今次嘅代替品都係Creamy，但感覺清新少少，有烤果仁嘅味道，今次嘅鵝肝就係腰果啦！之後有黑松露同油浸風乾番茄🍅兩種味道，夾喺多士上面，同下面嘅意大利黑醋火箭菜，感覺清新好多。

Seared Watermelon Steak $128

個樣擺到好似半熟吞拿魚，其實係西瓜🍉燒過令西瓜由清甜，變成濃郁嘅甜味。口感唔再係清爽，反而有椰果同魔芋混合嘅感覺，真係好特別。

Fish & Chips $178

炸魚係香蕉花蕾，平時本身用來煲湯，宜家變成炸，已經洗走曬啲苦澀味。點他他醬，或者類似喼汁嘅酸甜醬，更有肉感。薯條就係普通香脆🍟無咩嘢講。有個薄荷豌豆蓉要講下，青豆蓉好綿滑，加埋薄荷味，就可以去左陣豆腥味。

Vegan African Chicken $208

非洲雞用左新鮮羊蹄菇Hedgehog Mushroom，開頭以為係猴頭菇，但完全無苦味，原來今次食到咁特別嘅菇。同黃薑、花生等香料好夾，不過唔明點解非洲雞會浸住咁多椰漿。

Signature Plant Based Meat Ball Spaghetti $168

意粉感覺同平時一般嘅好唔同，感覺煙韌啲，應該唔係乾意粉，係手工鮮意粉。不過因為其他嘢太驚艷，肉丸好似比下去，都係類似Impossible嘅牛肉丸，熟悉嘅味道。

Lychee Projict (J) $158

個名好特別，其實係荔枝糖漿＋罐頭荔枝，配紅茶加少少奇亞子，味道好又解渴。

Service Charge $96.8

Grand Amount:$1064.8

POP vegan

中環蘇豪伊利近街28號1樓

電話: 26286211

#素食 #無五辛 #全素 #黃店

#無得飛喺香港食住先