商場獨立小Food Court

今次又去香港工業中心 @ccmall.lck嘅美食廣場，食肉嘅選擇當然更多。日韓、西餐、越南，任君選擇。今次分別試左相鄰食韓國菜嘅#大尚宮，同食西餐嘅猛男廚房

Food Court環境

睇下上面餐牌先

叫意粉跟餐送南瓜忌廉湯、黑糖麻糬

南瓜湯非常Creamy，同埋一般南瓜湯都會好甜，呢度調得鹹啲，會有多啲湯嘅感覺。

蒜片欖油香辣白酒蜆肉意粉 $58

意粉採用日本多汁飽滿大蜆肉配意大利橄欖油，意粉嘅蒜味好香，之後辣味慢慢滲出，好有層次，之後就到橄欖油嘅香味。白酒味道唔係好出，但真係可以辟走海產唔多唔少嘅腥味。

威尼斯奶油芝士甜pizza （6吋細厚pizza）$55

本身Pizza嘅餡料有各種融化拉絲芝士。

食之前要落煉奶，鹹鹹甜甜，感覺幾得意。

呢間都要睇餐牌

大骨湯 $68

同正宗韓國餐廳一樣，湯會另外配一碗白飯，所以餐牌係歸入主食類。面頭有隻靚靚嘅青辣椒，開頭都擔心佢太辣，原來佢真係裝飾。湯底有芝麻，仲好似有少少藥材味，鮮冬菇、金菇呢啲配菜都好入味，底下主角豬骨煲得幾腍，但又滑過一般煲湯豬骨好多。如果覺得唔夠餸食，其實裡面都有腩肉，等人一次過食到兩款豬肉，唔怪得羚羚姐話呢個好食，要叫啦！

淨石頭鍋飯 $48

韓式辣醬加太陽蛋，配白飯撈下已經好正。

呢個石頭飯配料有紫菜、鮮冬菇、菠菜、翠玉瓜，將蛋同呢啲配菜撈飯，撈到均勻，係一個樂趣。食到最底，原來呢個飯有豬肉，感覺更豐富。

全份香烤雞全翼 $38 三隻

本質上佢係炸雞翼，皮脆肉嫩，非常Juicy。烤嘅元素，就係香甜嘅蜜糖同芝麻，帶出應有風味。

香港工業中心美食廣場 

荔枝角青山道489-491號香港工業中心C座地庫

猛男廚房

C1B-3A號舖

電話: 54991544

大尚宮

C1B-5號舖

電話: 46255595

@maphk2021#hkfoodie #foodporn #foodie #hkfoodlover #foodiesofinstagram  #lunchbox #bento #foodcourt

 #美食 #小店  #便當 #食好西 #美食廣場 #相機食先 #融合菜

舊商場高質居酒屋

長沙灣廣場，之前都係快餐為主，翻新完嘅三樓，有好多比較高價，但好好坐嘅餐廳。呢間居酒屋除左符合好坐嘅要求之外，都有好多特色嘅食品。可以食住嘢，咁同朋友傾下計，今次我地食下坐下就三個鐘啦！

前菜

可以睇下餐牌叫咩食啦！

舖頭環境

青(一盒) $98

第一樣試嘅，就係一個開胃Cocktail，青蘋果、菠蘿、Vodka ，仲有青色嘅Wasabi。呢杯意大利調酒師為一間日本餐廳設計嘅酒，最特別嘅地方，就係少少刺激，多多清新，多多開胃，連唔食wasabi嘅我，都覺得好飲。

怪味枝豆 $48

原來係四川麻辣味枝豆，靚女鍾意食麻辣，又中左啦！呢個唔算好辣，有原粒花椒，所以整體係麻味比較多。好過普通水煮，然後落鹽，呢個濃味啲，更適合飲酒。

雞皮薯片 $68

平時就算食炸雞，都會有人起走陣皮，就咁食雞皮，多數係燒嘅。呢個炸嘅，炸得超乾身，就係薯片嘅感覺，加埋辣粉更加似。

腐乳豬豚串 $88

豬肉串用左豬頸肉，非常爽口，腐乳味道唔係太刺激，面頭有少少蜜糖味，更加可以接受

芝士甲羅燒蟹肉意粉 $168

甲羅燒就係蟹膏放落蟹度，蟹蓋下面就係芝士忌廉蟹肉意粉，撈埋一齊食好Creamy，食到絲絲蟹肉。但如果食到咁上下覺得膩，侍應哥哥推介可以加啲辣椒仔，會有另外一種風味。

啡(一盒) $98

唔係淨係啡色，係咖啡啊！用Tequila溝Espresso造成，酒味唔係好突出，咖啡味感覺濃啲。呢個好似核桃酥嘅係用日本材料，中式煮法嘅花生酥，除左酥脆，有花生醬香味，仲入口即融，真係好特別。

總數：$625

Mata Japanese Cuisine

荔枝角長沙灣道833號長沙灣廣場3樓308號舖

電話: 35800836

大陸口味 香港質素

如果上大陸，依家好多人食雞煲、酸菜魚，好過再早期啲，#串燒 都係好選擇，香港都有呢類賣緊大陸風味串燒嘅檔口，依家就去荃灣嘅#川燒王 試下啦！

呢度落單，係將你要嘅款式寫落#點心紙，圈返辣度，再交俾師傅，就可以等食啦！我地今次揀左小辣。

舖頭環境

娃娃菜$13

燒得乾身，配埋孜然粉同辣椒粉，係幾香口嘅，都好吸收粉嘅調味。但少左蔬菜少少濕潤嘅感覺。

鮮冬菇$16

冬菇好厚，有粉之餘，都有少少菇香

虎皮青椒 $13

開頭見到青椒原隻上無挑核，會覺得好辣，但佢主要落香草🌿同埋感覺辣粉落得少啲，食落都係香為主

五花腩肉串 $42 3串

都係燒得好乾身，所以皮(脂肪)嘅部分特別脆，唔會食到肥膩嘅感覺。

甜蜜玉子燒 $28

簡單將玉子燒燒香，有少少焦。但無再另外落粉調味，所以都係甜嘅。

安格斯牛仔骨 $62

一樣燒得好乾身，不過調味同頭先真係唔同。有兩款調味，任君選擇：檸檬角🍋擠少少檸檬汁，可以清新啲。重口味嘅朋友，就可以點蒜蓉油，就有一陣濃郁嘅蒜味，但因為無生蒜，所以唔會太刺激，呢個就係大陸串燒檔，燒蠔同肉類嘅醬料。

川北炒米粉 $68

賣相有啲紅，雖然望唔到佢現場炒，但聞落係有大陸夜市#炒麵 、#炒米粉 嘅感覺，米粉炒得乾身，配料有煎蛋🍳生菜同腸仔。因為唔係大陸價錢，所以呢度嘅腸仔用料好啲，唔係好似午餐肉得粉嘅零食火腿腸，係雞肉腸，邊位好似有少少蜜糖味，應該有燒，比正宗更用心。

總數 $242

川燒王

荃灣德海街18號富利達中心地下F2號舖

電話: 64051931