新蒲崗有好多嘢食，中西日，同埋茶記都有好多選擇。所以唔好成日留喺商場，食貴價連鎖嘢。一出Mikiki，以前都係見到比較草根嘅口味，今次見到一間招牌好特別嘅餐廳#茶舍 ，應該開左無耐。餐廳嘅定位係高級茶記，但定價都比Cafe低少少，夜晚主要食#意粉 🍝#蛋包飯、#焗飯，仲有各式#甜品、#小食 ，今次唔知食咩，就試下叫套餐，試最多嘅口味，甜品下次再試。
睇下餐牌先
二人套餐 $168
沙律🥗 X2
生菜、粟米🌽車厘茄配上芝麻醬，開胃清新，但唔會感覺太肥。
餐湯 X2
原來係龍蝦湯，有應該有嘅鮮味，不過因為都好多Cream，所以易入口
生煎豚美國斧頭扒 黑椒汁、扁意粉
朋友唔食牛，好彩有得揀豬🐷好驚喜係用鐵板上菜。厚身而大塊嘅豬扒，切落好juicy。黑椒汁唔太辣，唔會搶走應有嘅肉味。配菜方面，除左扁意粉，唔係得粟米粒同車厘茄，而係一段粟米🌽加半條翠玉瓜🥒，份量相當足夠。
一見鍾情PIZZA
見到個名好吸引，即刻好想叫。上菜見到咁多料，有蘑菇🍄菠蘿🍍雞肉🐔香腸……真係未試已經一見鍾情。咬落去係薄批，每一啖都有餡，感覺好豐富。
白汁芝士焗西蘭花
白汁配芝士，係一個無得輸嘅組合，面頭有微焦嘅融化芝士，令人更期待。打開芝士，見到好多煙肉🥓同西蘭花🥦，口感好有層次。灼西蘭花，有瀝乾水，所以食到底，唔會有大量水殘留。呢點比好多餐餐廳，甚至冰室做得用心，貼近Cafe水準。不過芝士始終都有啲膩，好彩無揀薯條，唔係應該會食剩嘢。
紅菜頭芒果梳打🍹
一杯感覺好夢幻嘅飲品，非常適合打卡。未攪勻之前，我先試上面紫色嘅部分，無咩特別嘅味道。紅菜頭類似紅蘿蔔，甜但少少草青嘅味道無出現。飲品嘅味道，主要由底下嘅芒果負責🥭生果清爽嘅感覺，食完咁多油膩嘢再飲，感覺特別舒服。
凍咖啡 多奶、少冰、少甜 ＋$3
朋友嘅飲品，咁外觀望落好吸引
總數 $ 271
沒有留言:
張貼留言