間野開左幾年，每個星期都經過，但以前得西餐食（裡面張介紹講明店主原本系西廚，之後先有研究咖哩），而無咖哩嘅。
舖頭得兩個人，一男一女做嘢
我地商量食咩咖哩嘅時候，相信系老闆娘嘅人話叫個咖哩牛腩，不過我地想試齊舖頭所有嘅咖哩，所以最初無打算叫，而叫左五色咖哩配薄餅（但因為唔夠食，最後都係叫左牛腩），小食方面仲叫左蒜香牛柳粒。主菜有雞卷意粉配沙律菜（送茴香南瓜湯同飲品）
直覺已經覺得唔夠食，D菜仲多過D意粉，不過D意粉加左自製嘅蜜糖芥末醬，甜甜酸酸做沙律醬。當我發現雞捲『唔見左』嘅時候，見到兩片『茄子』，唔止個樣似，咬落口感都差不多，只不過呢個有少少雞味，即係新一代分子料理咁話啦喔～
最出名嘅黑色：D人覺得佢唔好食，因為佢地知道呢個系咖哩，如果你的唔當呢個系咖哩，香蕉為個汁帶來果香，吞落去有少少苦味，唔知同介紹話有朱古力去煮有無關係？不過單系呢兩種材料，應該唔會有呢種黑色，唔知系墨魚汁定芝麻呢
黃色：正常巴基斯坦味道，呢度勝在茴香等等嘅香料夠濃味，但唔會好辣！
綠色：介紹話落左香茅同南薑，都有少少香茅味，裡面嘅粒粒有辣味嘅，應該就系南薑
白色；正常咖哩+椰汁
紅色：正常嘅咖哩可能都有番茄，但唔會番茄多過咖哩，但呢個就係可以番茄多過咖哩，但同時有咖哩香味
咖哩牛腩轉配薄餅（+8），都係同上面個『黃咖哩』一樣系巴基斯坦咖哩，但有牛肉味，更香，裡面有D豆嘅物體唔知係咪花生，牛腩亦唔會過林。
埋單$157
沒有留言:
張貼留言