喺西九龍中心，想飲番茄湯🍅會諗起9樓Food Court，蕃廚*後生仔海南雞，呢度已經無番茄湯面食啦，取而代之嘅係唔同嘅飯餐，送一碗番茄湯。呢度嘅番茄湯一樣咁好飲，番茄味濃，都有好多番茄粒同少少肉絲，非常開胃。不過如果叫#海南雞飯，就無番茄湯飲啦！因為同一個店面可以一齊買嘢食，但佢地係分別用兩部收銀機印兩張單，合作用同一個廚房，運作上，仍然係兩間舖頭啊！
睇下今次有咩食先
最後決定試新產品
金沙美腿 $35
原來係一隻好大隻嘅#炸雞髀 ，上面淋左好多鹹蛋黃醬。店主話最近入左一批大雞髀，所以宜家嘅炸髀大隻過之前。先食無沾到醬汁嘅雞髀，非常香脆，肉汁足夠。連鹹蛋黃醬一齊食，更Juicy，都多左一份鹹香。但鹹蛋黃都幾多油，都會有少少膩，不愧為#邪惡 新產品。除左去隔離買一杯茶飲之外，原來個麵都可以幫助解膩喔。
蔥油麵 $8
呢個麵非常有驚喜，呢個蔥油麵係凍架，除左增加飽足感之外，冰火味道可以解膩。急凍烏冬撈左甜豉油同蔥油，吸汁又清爽。如果用返平時嘅豉油撈上海麵或者北京拉麵，底下面有一層油，兩邊都油，應該會食剩嘢。
