入到去，店內有特別裝修嘅包廂
店內有好多東馬燕窩陳設
招待我地嘅，係高級大紅袍茶葉
精緻嘅餐具
睇餐牌，價錢係偏高嘅。好彩一早有上網訂餐#大眾點評 限定 春日甜甜雙人套餐 ￥368
滋潤清甜的花旗參麥冬燉肉汁（2位）
平時夜訓早起返工，真係唔係好夠訓，真係要飲湯。見到一個好靚嘅燉盅，有啲期待。麥冬本身無味，但花旗參本身都有少少甘苦，開頭都擔心有藥材味。
但打開燉盅，只聞到一陣清香，見到一塊肉餅喺面，湯飲落好鮮，原來有幾粒胡椒提味。瘦肉變成肉餅，令平時唔食煲湯豬肉嘅我都食曬。
大咖小咖都愛的咖咖沙拉（1份）
#沙律 有大量有機菜，加上芝麻醬。芝麻醬似中式口味，芝麻好濃，另外加啲酸味，感覺新鮮過日式版本。原本無腸仔，呢個係後來先加嘅。第一次喺大陸食到好食嘅腸仔，唔係澱粉腸，咬落去就有啖啖肉粒，仲有幾香嘅黑椒味。
古法手工製作的酸甜咕嚕肉（1份）
除左茄汁之外，仲加入傳統山楂製作，酸甜有層次。配菜由菠蘿變成哈密瓜，食落更清爽。豬肉有啲係梅頭，有部分比較肥，都清到佢啲肥膩感。
最佳賞味期限只有十分鐘的椒鹽脆皮豆腐（1份）
鮮豆腐炸好之後加椒鹽粉，每分鐘都在變，所以上枱就即刻要食，十分鐘之後就唔會再保持外脆內嫩啦！
能吃到真魚翅的鮑汁魚翅撈飯（2位）
飯有精心挑選適當品種煮法，汁用老雞、火腿、瑤柱、大地魚，30幾種材料製作，所以就算完全無落味精都做到好鮮味嘅效果。除左飯，都好適合幾條魚翅裙邊，正！
黑金燕窩盅（2位）呢度本身做東馬燕窩嘅，當然甜品要有燕窩。馬來西亞比較多華人，燕窩做得比較精細，用人手挑毛，唔係用化學嘢，所以純度高好多，唔會有咁多雜毛，有一陣蛋白香。下面黑色嘅，係手工磨芝麻糊，完全無溝粉，仲要連米都無落，非常用心用時間。
#百泰和私廚家宴 蛇口店
📌深圳蛇口海灣路蛇口價值工廠創意園內
🚇地鐵：12號線左砲台東地鐵口A口170米
🚍公車：204 M400 湄南河運動小鎮
🅿️停車：超大停車場免💰
#foodie #foodiesofinstagram #hkfoodie #hkfoodlover #hotpot
#食好西 私房菜 #打卡 #宮廷 #燕窩 #魚翅 #相機食先
沒有留言:
張貼留言